12 ноябрдан бошлаб Измир – Самарқанд – Измир йўналиши бўйича мунтазам ҳаво қатновлари йўлга қўйилади

12 ноябрдан бошлаб Измир – Самарқанд – Измир йўналиши бўйича мунтазам ҳаво қатновлари йўлга қўйилади

ТОШКЕНТ, 25 октябрь. /«Дунё» АА/. Туркиянинг «Sunexpress» авиакомпанияси Измир – Самарқанд – Измир йўналиши бўйича мунтазам йўловчи ҳаво қатновларини йўлга қўяди, деб хабар бермоқда «Дунё» АА мухбири.

«Ўзбекистон аэропортлари» АЖ маълумотига кўра, шаҳарлар ўртасида парвозлар 2023 йилнинг 12 ноябрида бошланиши режалаштирилган. Парвозлар ҳафтасига уч марта душанба, пайшанба ва шанба кунлари мунтазам равишда «Boeing 737» русумидаги самолётларда амалга оширилади.

«Sunexpress» авиакомпанияси Анталияда жойлашган бўлиб, Туркия ва Европа бўйлаб мунтазам ва чартер асосида йўловчи рейсларини амалга оширади.