Туркияга боришни режалаштираётган Ўзбекистон фуқаролари диққатига

Туркияга боришни режалаштираётган Ўзбекистон фуқаролари диққатига

ТОШКЕНТ, 6 июнь. /«Дунё» АА/. Туркиянинг Ўзбекистондаги элчихонаси  мамлакатда COVID-19 пандимияси муносабати билан  ўрнатилган айрим чекловлар бекор қилинганини маълум қилди, деб хабар бермоқда «Дунё» АА мухбири.

Ўзбекистон ТИВ маълумотига кўра, Туркия жорий йилнинг 1 июнидан бошлаб барча чегара назорат нуқталаридан мамлакатга кириб келишда кўпи билан 72 соат аввал ўтказилган салбий натижали ПЗР-тест таҳлили ёки кечи билан 48 соат мобайнида ўтказилган салбий антиген тест таҳлилини ўтказиш мажбурияти бекор қилинди.

 Туркия Соғлиқни сақлаш вазирлиги томонидан, шунингдек, бошқа шартлар (эмланганлик ёки тузалганлик маълумотномасини тақдим этиш) ҳам бекор қилингани билдирилди.