Ўзбекистон ўтган йили энг кўп пойафзал буюмларини Хитой ва Туркиядан импорт қилди

Ўзбекистон ўтган йили энг кўп пойафзал буюмларини Хитой ва Туркиядан импорт қилди

ТОШКЕНТ, 7 январь. /“Дунё” АА/. 2022 йилнинг январь -ноябрь ойлари давомида Ўзбекистонга дунёнинг 39 мамлакатидан 17 миллион АҚШ доллари миқдоридаги 3,9 миллион жуфт пойафзал импорт қилинди, деб хабар бермоқда «Дунё» АА мухбири.

Давлат статистика қўмитаси маълумотига кўра, пойафзал импорти ҳажми ўтган йилнинг шу давридагига нисбатан 39,2 минг жуфтга ошган.

Ўтган йилнинг 11 ойи мобайнида Ўзбекистонга Хитойдан – 2,6 миллион жуфт, Туркиядан – 1,1 миллион, Россиядан – 50,7 минг, Въетнамдан – 43,6 минг, Индонезиядан – 18,5 минг, Италиядан – 14,6 минг, Чехиядан – 7,6 минг ва Ҳиндистондан – 6,6 минг жуфт пойафзал импорт қилинган.