Маълумки, султон Жалолиддин Мангуберди ватани, халқи озодлиги йўлида тилларда достон бўлган шахс.
Ўзбек ва турк ижодкорлари ҳамкорлигида яратилган ушбу сериал юртимиз теле-асарлари тарихида бурилиш ясай олди.
Картина томошабинни Мангуберди яшаган даврга олиб киради. Ёшларни жасур ва довюрак боболаримиз шижоати билан таништириб, уларга нисбатан меҳр уйғотмоқда.
Бунда кадр ортидаги мутахассислар ва актёрларнинг улкан меҳнати мужассам. Албатта телесериал сценарийсида жузъий камчиликлар ҳам йўқ эмас. Лекин актёрлар ижроси ҳаққоний ва жонли. Ўзбек актёрларининг маҳорати хорижлик ҳамкасбларидан кам эмаслиги борган сари кўзга ташланмоқда.
"Zo‘rTV" телеканали “Renessans Hall” залида «Мендирман Жалолиддин» тарихий сериалининг 2-мавсуми премьераси бўлиб ўтди. Айтиш мумкинки, мазкур тарихий сериални кўрганда беихтиёр кўз олдингизда ўша давр гавдаланади.
ЎзА