Elchixona bilan bog'lanish
telefoni
Konsullik masalalari bo'yicha
telefoni

Turkiyada Erkin Vohidovning "Ruhlar isyoni" asari spektakli namoyish etildi


Turkiyada Erkin Vohidovning "Ruhlar isyoni" asari spektakli namoyish etildi

ISTANBUL, 1-dekabr. /"Dunyo" AA/. O'zbekiston Bosh konsulxonasi tomonidan Maktabgacha va maktab ta'limi vazirligi bilan birgalikda Istanbul shahri Kadikoy tumanidagi "Mesleki ve Teknik Anadolu Lisesi Salonu"saroyida yurtimizning boy madaniy merosi va ta'lim salohiyati bag'ishlangan tadbir tashkil etdi, deb xabar qilmoqda "Dunyo" AA muxbiri.

Unda Istanbul shahrida vaqtincha va doimiy yashovchi vatandoshlar, Turkiya davlat idoralari, madaniyat, ta'lim va turizm sohasi mutaxassislar, tadbirkorlar, jamoat tashkilotlari rahbarlari va boshqalar qatnashdi.

 

Tadbir davomida O'zbekiston bosh konsuli va Turkiya Ta'lim vazirligining Istanbul shahar boshqarmasi boshlig'i o'rinbosari Bulent Alash o'rtasida uchrashuv o'tkazildi. Muzokaralarda ikki davlat o'rtasida ta'lim sohasidagi hamkorlikni kengaytirish, shu jumladan, Istanbul shahrida o'zbek maktabini tashkil etish tashabbusi muhokama qilindi. Bundan tashqari, ta'lim va madaniyat jabhasidagi aloqalar O'zbekistonning turizm salohiyatini yanada kengroq targ'ib qilishga xizmat qilishi mumkinligi ta'kidlandi.

 

Tadbir doirasida "Turon" maktab teatri tomonidan Erkin Vohidovning "Ruhlar isyoni" asari asosida sahnalashtirilgan spektakl namoyish etildi.