O'zbekiston delegatsiyasi Turkiy davlatlar Parlament assambleyasi xalqaro ishlar bo'yicha qo'mitalari raislari yig'ilishida ishtirok etdi

O'zbekiston delegatsiyasi Turkiy davlatlar Parlament assambleyasi xalqaro ishlar bo'yicha qo'mitalari raislari yig'ilishida ishtirok etdi

ISTANBUL, 20-fevral. /"Dunyo" AA/. Mamlakatimiz Bosh konsulxonasi ko'magida O'zbekiston Oliy Majlis Qonunchilik palatasi va Senati vakillaridan iborat mamlakatimiz delegatsiyasining Turkiy davlatlar Parlament assambleyasi xalqaro ishlar bo'yicha qo'mitalari raislarining yig'ilishida ishtiroki uyushtirildi, deb xabar qilmoqda "Dunyo" AA muxbiri.

Shuningdek, tadbirda Turkiya, Ozarbayjon, Qozog'iston, Qirg'iziston, Vengriya parlamentlari a'zolari, Turkiy davlatlar Parlament assambleyasi raisi, Xalqaro turkiy madaniyat tashkiloti va boshqalar qatnashdi.

Yig'ilishda turkiy davlatlar o'rtasida ko'p qirrali va o'zaro manfaatli hamkorlikni ildam rivojlantirishga, strategik sheriklikni mustahkamlash va parlamentlar o'rtasida ishonchli munosabatlar o'rnatishga e'tibor qaratildi.

Sun'iy intellekt va ilg'or texnologiyalarni rivojlantirish va tadbiq etish jarayonida ishtirokchi davlatlarning xalqaro platformalarda faol rol o'ynashini rag'batlantirish bo'yicha kelishuvga erishildi.