Turkiyadan munosabat: Islomobod ikki davlatning boy transport-tranzit salohiyatidan oqilona foydalanish sohasida rasmiy Toshkent bilan hamkorlikka katta ahamiyat qaratmoqda

Turkiyadan munosabat: Islomobod ikki davlatning boy transport-tranzit salohiyatidan oqilona foydalanish sohasida rasmiy Toshkent bilan hamkorlikka katta ahamiyat qaratmoqda

ANQARA, 28-fevral. /"Dunyo"AA/. Turkiya Buyuk Millat Majlisining (Parlamenti) mudofaa va xavfsizlik bo'yicha eksperti Mesut Emre Karakose  "Dunyo" AA uchun intervyusida Pokiston Bosh vaziri Shahboz Sharifning 25-26-fevral kunlari O'zbekistonga bo'lib o'tgan rasmiy tashrifi yakunlari haqidagi fikrlarini bildirdi:

– Pokiston O'zbekistonni Markaziy Osiyodagi ustuvor strategik hamkor deb biladi va ko'p qirrali hamkorlikni rivojlantirishga bel bog'lagan.

O'zbekiston Sharq-G'arb logistika zanjirining muhim bo'g'ini hisoblanadi. Shu bois, Islomobod ikki davlatning boy transport-tranzit salohiyatidan oqilona foydalanish sohasida rasmiy Toshkent bilan hamkorlikka katta ahamiyat qaratmoqda. Pokiston O'zbekiston yordami bilan o'z yuklarini quruqlik orqali Yevropaga, O'zbekiston esa Pokiston portlariga chiqish imkoniyatiga ega.

Pokiston Bosh vazirining O'zbekistonga bu galgi tashrifi chog'ida yuk aylanmasi hajmini yanada oshirish maqsadida qo'shma transport-logistika kompaniyasini tashkil etish bo'yicha kelishuvga erishildi.

Tomonlar, shuningdek, Transafg'on temir yo'li qurilishini amaliy rag'batlantirish maqsadida birgalikdagi sa'y-harakatlarni muvofiqlashtirishga kelishib oldilar. Bu esa, shubhasiz, transport aloqalarini mustahkamlaydi va tranzit salohiyatini ochib beradi, Afg'oniston va mintaqa mamlakatlari iqtisodiy farovonligini oshirishga xizmat qiladi.

Prezident Shavkat Mirziyoyevning O'zbekistonda ikki mamlakat hududlararo forumini tashkil etish tashabbusi samarali amalga oshirilishiga va madaniy aloqalar uchun kuchli rag'bat bo'lib xizmat qilishiga ishonchim komil.