Обратитесь в посольство
телефон
Консульские вопросы
телефон

Истанбулда турк тадбиркорларини Ўзбекистон бозорига жалб этишни янада жадаллаштириш имкониятлари муҳокама қилинди


Истанбулда турк тадбиркорларини Ўзбекистон бозорига жалб этишни янада жадаллаштириш имкониятлари муҳокама қилинди

ИСТАНБУЛ, 1 июль. /«Дунё» АА/.  Ўзбекистоннинг Истанбулдаги Бош консулхонаси дипломатлари таниқли турк ишбилармон доира вакиллари  билан  учрашдилар, деб хабар  бермоқда «Дунё» АА мухбири.

 

Унда «Туркий давлатлар тадбиркорлари», «Халқаро ўзбек саноатчилари, тадбиркор ва илм инсонлари» ва «Ўзбекистон маданияти, бирдамлик ва ҳамкорлик» жамиятлари вакиллари ҳамда Туркиянинг  «ARGIZA», «ALL SEASONS HOTEL», «KISIAD», «SIDRE EPCM» каби етакчи компаниялари  раҳбарлари  қатнашди.

Бош консул Амирсаид Агзамходжаев учрашувнинг очилиш қисмидаги нутқида Ўзбекистон-Туркия алоқаларининг бугунги даражаси ҳақида  иштирокчиларга  сўзлаб  берди. Дипломат икки мамлакат  ўртасидаги муносабатлар стратегик даражага кўтарилганини, бу борада иқтисодий омил ўзаро манфаатли ҳамкорликнинг асоси сифатида намоён бўлаётганини таъкидлади.

Тадбир давомида «Ўзбекистонга инвестиция киритиш имкониятлари» мавзусида  тақдимот ўтказилди.  Унда, мамлакатимизда  ташкил этилган эркин иқтисодий ҳудудлар, хориж капитали киритган норезидентларга  тақдим этилаётган солиқ, божхона ва бошқа имтиёзлар, транспорт-логистика имкониятлари, Марказий Осиё ҳудуди бозори ҳақида батафсил маълумот берилди.

Шунингдек, турк  ишбилармонлари билан  тўқимачилик  соҳасида Ўзбекистонда  лойиҳаларни амалга  ошириш имкониятлари  хусусида  фикр алмашилди.  Туркиянинг Гебзе шаҳридан  келган тадбиркорлар Ўзбекистон ҳудудлари ва ушбу минтақа ўртасида ўзаро  алоқаларни йўлга  қўйиш  таклифини  билдирди.