Туркияда ўзбек тилига бўлган қизиқиш ортмоқда

Туркияда ўзбек тилига бўлган қизиқиш ортмоқда

​АНҚАРА, 22 сентябрь. /«Дунё» АА/.  Кеча Туркиянинг “Kesit Yayınları” нашриёт уйи томонидан Ўзбекистон мустақиллигининг 30 йиллигига бағишланган “Özbekçe Öğreniyoruz” (Ўзбек тилини ўрганамиз) номли китоб нашр этилди, деб хабар бермоқда “Дунё” АА мухбири.

Ўзбекистон “Ипак йўли” туризм халқаро университети биринчи проректори профессор Ж.Элтазаров, Туркиянинг Муғла шаҳридаги Ситки Кўчман университети доценти К.Кўч ва докторант И.Ёқубов ҳаммуаллифлигида чоп этилган рисолада ўзбек тили грамматикаси ва лексикологиясига оид қоидалар содда ва равон тилда китобхон эътиборига ҳавола этилган.

Китоб муқаддимасида мамлакатимизнинг Туркиядаги элчиси Алишер Аъзамхўжаевнинг кириш сўзи ҳам жой олган бўлиб, унда янги Ўзбекистонда ўзбек тилини ривожлантириш борасидаги ютуқлар ҳақида маълумот берилган.