Туркия ОАВ Ўзбекистон Қуролли кучлари ташкил этилганининг 30 йиллиги ҳақида

Туркия ОАВ Ўзбекистон Қуролли кучлари ташкил этилганининг 30 йиллиги ҳақида

АНҚАРА, 15 январь. /«Дунё» АА/. Анқара инқироз ва сиёсат тадқиқотлари маркази — «ANKASAM»   директори, профессор доктор Меҳмет Сейфиддин Эрол Ўзбекистон Қуролли кучлари ташкил этилганининг 30 йиллиги муносабати билан марказнинг электрон порталларида табрикнома эълон қилди, деб хабар  қилаяпти «Дунё» АА мухбири.

Бундан ташқари, Ўзбекистон Президенти, Қуролли кучлар Олий Бош қўмондони Шавкат Мирзиёев раислигида Миллий мудофаа бошқарув марказида бўлиб ўтган Хавфсизлик кенгашининг кенгайтирилган йиғилиши Туркия оммавий ахборот воситалари ва таҳлилий марказларининг диққат марказида бўлди.

Юқорида қайд этилган этилган йиғилиш ҳақидаги хабарлар Туркиянинг  «Anadolu Ajansı» ахборот агентлиги, «The Asia Today» таҳлилий портали, Анқара инқироз ва сиёсат тадқиқотлари маркази «ANKASAM»   веб-сайтларида эълон қилинди.