2022 йил январь-февраль ойлари бўйича Ўзбекистондан экспорт улуши юқори бўлган мамлакатлар ўнталиги маълум қилинди

2022 йил январь-февраль ойлари бўйича Ўзбекистондан экспорт улуши юқори бўлган мамлакатлар ўнталиги маълум қилинди

ТОШКЕНТ, 4 апрель. /«Дунё» АА/. Давлат статистика қўмитаси 2022 йил январь-февраль ойларида Ўзбекистондан экспорт улуши юқори бўлган мамлакатлар тўғрисидаги маълумотларни эълон қилди, деб хабар бермоқда "Дунё” АА мухбири.

Қўмита маълумотларига кўра, жорий йилнинг январь-февраль ойларида Ўзбекистон маҳсулот экспорт қилган давлатлар ўнталигида Россия биринчи ўринни эгаллади. Россия Федерациясига экспорт ҳажми 346,8 миллион АҚШ долларини ташкил этди.

Кейинги мамлакатлар қуйидаги тартибда жой олган:

Хитой - 310,5 миллион доллар;

Туркия - 238,4 миллион доллар;

Қозоғистон - 141,7 миллион доллар;

Қирғизистон - 115 миллион доллар;

Афғонистон - 94,6 миллион доллар;

Тожикистон – 65,3 миллион доллар;

Украина - 36,1 миллион доллар;

Эрон – 23,7 миллион доллар;

Туркманистон - 18,8 миллион доллар.

Эслатиб ўтамиз, Ўзбекистоннинг ташқи савдо айланмаси 8,7 миллиард долларни ташкил этди.