Ўзбекистонлик қутқарувчилар Хатай вилоятидаги вайроналар остидан 70 кишини қутқаришга муваффақ бўлишди

Ўзбекистонлик қутқарувчилар Хатай вилоятидаги вайроналар остидан 70 кишини қутқаришга муваффақ бўлишди

ТОШКЕНТ, 17 февраль. /«Дунё» АА/. Ўзбекистондан келган қутқарув гуруҳи Туркиянинг зилзиладан жабр кўрган ҳудудларида қидирув-қутқарув ишларида қатнашишда давом этмоқда, деб хабар бермоқда  «Дунё» АА мухбири.

«Анадолу» АА маълумотига кўра, зилзиладан энг кўп жабр кўрган жанубий Хатай вилоятида 100 кишидан иборат ўзбекистонлик қутқарувчилар ўн кундан ортиқ вақт давомида ишлашмоқда. Қутқарувчилар ўз ҳаракатларини Туркия ҳукумати ҳузуридаги Фавқулодда вазиятларнинг олдини олиш ва оқибатларини бартараф этиш бошқармаси (AFAD) вакиллари билан мувофиқлаштирмоқда.

Ҳозиргача ўзбекистонлик қутқарувчилар вайроналар остидан 70 кишини қутқаришга муваффақ бўлишди.

 Сўнгги маълумотларга кўра, Туркияда кучли зилзила оқибатида  қурбонлар сони 38 044 кишига етган.