Ўзбекистон ташқи ишлар вазири ва Туркия компанияси раҳбари Анқарада энергетика соҳасидаги ҳамкорлик истиқболларини муҳокама қилдилар

Ўзбекистон ташқи ишлар вазири ва Туркия компанияси раҳбари Анқарада энергетика соҳасидаги ҳамкорлик истиқболларини муҳокама қилдилар

ТОШКЕНТ, 28 сентябрь. /«Дунё» АА/. Ўзбекистон ташқи ишлар вазири Бахтиёр Саидов Анқара шаҳрида Туркиянинг «Cengiz Enerji» компанияси бошқарув раиси  Мехмет Женгиз билан учрашди, деб хабар бермоқда «Дунё» АА мухбири.



«Cengiz Enerji» компанияси бошқаруви раиси Мехмет Женгиз жаноблари билан учрашишдан мамнунмиз, - деб ёзди Ўзбекистон ТИВ раҳбари ўзининг telegram каналида. - Биз энергетика соҳасидаги ҳамкорлик масалаларини муҳокама қилдик. Мазкур компания Ўзбекистон ҳудудларида энергетика қувватларини кенгайтиришга қаратилган йирик лойиҳаларда иштирок этмоқда».

 Эслатиб ўтамиз, 2022 йил 16 ноябрь куни Ўзбекистон Президенти Шавкат Мирзиёев Тошкентга Хорижий инвесторлар кенгашининг биринчи мажлиси иштирок этиш учун келган «Cengiz Enerji» компанияси бошқаруви раиси Мехмет Женгизни қабул қилди. Учрашувда бошланган лойиҳаларни тез фурсатда якунига етказиш ҳамда устувор йўналишларда, шу жумладан энергетика объектларини модернизация қилиш ва транспорт инфратузилмасини ривожлантиришда ўзаро манфаатли ҳамкорликни янада кенгайтириш муҳим экани таъкидланди.