Туркиянинг йирик консалтинг компаниялари Ўзбекистон транспорт ва йўл инфратузилмаси соҳасида режалаштирилган истиқболли лойиҳалар билан танишди

Туркиянинг йирик консалтинг компаниялари Ўзбекистон транспорт ва йўл инфратузилмаси соҳасида режалаштирилган истиқболли лойиҳалар билан танишди

ТОШКЕНТ, 28 октябрь. /«Дунё» АА/. Кеча Ўзбекистон Транспорт вазирлигида Туркиянинг йирик консалтинг компаниялари вакиллари билан учрашув бўлиб ўтди, деб хабар бермоқда «Дунё» АА мухбири.

Транспорт вазирлиги маълумотига кўра, Туркия савдо вазирлиги вакили Ҳасан Мурат Насимоғли ва Туркия элчихонасининг тижорат маслаҳатчиси Аҳмет Мелиҳ Орта билан бўлиб ўтган мулоқот чоғида транспорт ва йўл инфратузилмаси соҳасида истиқболли лойиҳалар доирасидаги ҳамкорлик масалалари муҳокама қилинди.

Турк консалтинг компаниялари бугунги кунда амалга ошираётган лойиҳалари ҳақида батафсил маълумот беришди.

Ўз навбатида, Ўзбекистон томони, Туркия вакиллари учун мамлакатимизда транспорт ва йўл инфратузилмаси соҳасида режалаштирилган истиқболли лойиҳалар юзасидан тақдимот ўтказишди.