Турк компанияси Қашқадарё вилояти Нишон туманида қуввати 400 МВт газ поршенли электр станциясини қуриш учун 250 миллион доллар сармоя киритади

Турк компанияси Қашқадарё вилояти Нишон туманида қуввати 400 МВт газ поршенли электр станциясини қуриш учун 250 миллион доллар сармоя киритади

ТОШКЕНТ, 13 ноябрь. /«Дунё» АА/.  Ўзбекистон инвестициялар, саноат ва савдо вазири Лазиз Қудратов ва «AKSA Enerji» бошқаруви раиси Жемил Казанчи ўртасида Инвестиция шартномани имзолаш маросими бўлиб ўтди, деб хабар бермоқда «Дунё» АА мухбири.

Инвестициялар, саноат ва савдо вазирлиги маълумотига кўра, ҳужжатга мувофиқ, «AKSA Enerji» давлат-хусусий шериклик шартлари асосида Қашқадарё вилояти Нишон туманида қуввати 400МВт газ поршенли электр станциясини қуриш учун 250 миллион доллар сармоя киритади.

Компания 25 йил - лойиҳани амалга оширишнинг бутун даври давомида электр станциясини лойиҳалаш, молиялаштириш, қуриш ва ишлатиш билан шуғулланади.

Қурилиш ишларининг бошланиши 2023 йилнинг декабрида, 2024 йил охирида электр станцияси ишга туширилиши режалаштирилган.

Туркия компаниясининг ташрифи доирасида «Ўзбекистон миллий электр тармоқлари» АЖ ва «AKSA Enerji» ўртасида электр энергиясини сотиб олиш шартномаси ҳам имзоланди ва бу билан Ўзбекистон томони туркиялик инвестордан 25 йилга кафолатланган электр энергиясини сотиб олишни амалга оширади.

ИССВ маълумотига кўра, «AKSA Enerji» 1960 йилда ташкил этилган «Kazanci Holding» таркибига киради. Холдинг нафақат энергетика соҳасида лойиҳаларни ишлаб чиқади, балки қишлоқ хўжалиги ва туризмда ҳам. Шунингдек, компания қатор мамлакатларда: Туркия, Гана, Мадагаскар, Мали, Конго ва Ўзбекистонда электр станцияларини қурмоқда.