Тадқиқотчи ва ёзувчи Кемал Явуз Атаман: Ўзбекистоннинг янгиланган Конституцияси - илм-фан, санъат ва таълим соҳаларининг ривожланиши учун мустаҳкам кафолатдир

Тадқиқотчи ва ёзувчи Кемал Явуз Атаман: Ўзбекистоннинг янгиланган Конституцияси - илм-фан, санъат ва таълим соҳаларининг ривожланиши учун мустаҳкам кафолатдир

АНҚАРА, 8 декабрь. /«Дунё» АА/. Туркиялик тадқиқотчи ва ёзувчи Кемал Явуз Атаман «Дунё» АА учун интервьюсида Ўзбекистон Конституцияси қабул қилинганининг 31 йиллиги муносабати билан халқимизни табриклади:

- 8 декабрь — Ўзбекистон Конституцияси қабул қилинган кун ўзбек халқи томонидан кенг нишонланмоқда. Бу йил қардош Ўзбекистоннинг Бош қомуси учун жуда муҳим йил бўлди. Ўзбекистон Конституциясига ўзгартиришлар киритиш бўйича референдум ўтказилиб, унинг матни 65 фоизга янгиланди. Бош қомусингиз ҳар жиҳатдан умуммиллий ҳуқуқий нормаларни қамраб олган. Ўзбекистонда барча фуқаролар тенг ҳуқуқ ва эркинликларга эгалиги, қонун олдида баробарлиги мустаҳкамлаб қўйилди.

Шу ўринда қайд этиш керакки, бугунги Ўзбекистон ҳудудида бўлган қадимий Мовароуннаҳр замини кўплаб олим ва уламолар учун бешик бўлган. Шунингдек, ушбу замин ҳуқуқий давлатчилик ривожида ва умуминсоний таълимотларнинг юзага келишида ҳам катта роль ўйнаган. Инчунун, Янги Ўзбекистон ушбу тарихий меросни замон билан ҳамнафасликда ҳаётга тадбиқ этиб келаётир.

Ўзбекистоннинг янгиланган Конституциясининг яна бир муҳим хусусиятларидан бири – бу илм-фан, санъат ва таълим соҳаларига катта эътибор қаратилганидир. Унда, шунингдек, ёшлар ва аёллар ҳуқуқлари ҳам янада мустаҳкамланган.

Фурсатдан фойдаланиб, бутун Ўзбекистон халқини 8 декабрь — Конституция куни муносабати билан самимий табриклайман.