O'zbekiston Bosh konsulxonasi ko'magida Turkiyada qarovsiz qolgan ikki nafar voyaga yetmagan bola vatanga qaytarildi

O'zbekiston Bosh konsulxonasi ko'magida Turkiyada qarovsiz qolgan ikki nafar voyaga yetmagan bola vatanga qaytarildi

ISTANBUL, 30-noyabr. /"Dunyo" AA/. O'zbekiston Istanbul shahridagi Bosh konsulxonasi ko'magida Turkiyada qarovsiz qolib ketgan ikki nafar voyaga yetmagan yurtdoshimiz vatanga qaytarildi, deb xabar qilyapti "Dunyo" AA muxbiri.

Bosh konsulxona ma'lumotiga ko'ra, 2024-yil noyabr oyi boshida Turkiyada bo'lish qoidalarini buzganligi sababli O'zbekistonga deportatsiya qilingan Y.M.va A.D.ning qarovsiz qolib ketgan 12 yoshli va 4 yoshli farzandlari diplomatlar tomonidan amalga oshirilgan tezkor chora-tadbirlar natijasida O'zbekistonga yetkazildi.

Voyaga yetmagan bolalar 2024-yil 27-noyabr kuni "Uzbekistan Airways" kompaniyasi samolyoti orqali, hamrohlar kuzatuvida Toshkent shahriga kuzatildi.

O'zbekistonga yetib borgan bolalar qonunchilikka muvofiq ularning qonuniy vakillariga topshirildi.