O'zbekiston Konstitutsiyasi xalqimizning orzu-intilishlari, maqsad va istaklarini o'zida jam qilgan

O'zbekiston Konstitutsiyasi xalqimizning orzu-intilishlari, maqsad va istaklarini o'zida jam qilgan

ISTANBUL, 12-dekabr. /"Dunyo" AA/. Bosh konsulxona tomonidan "O'zbekiston madaniyati, birdamlik va hamkorlik jamiyati" yangi binosida mamlakatimiz Bosh qomusi va Davlat madhiyasi qabul qilingan sanalarga bag'ishlangan ma'rifiy tadbir o'tkazildi, deb xabar qilmoqda "Dunyo" AA muxbiri.

Unda O'zbekistonda SHHT Xalq diplomatiyasi markazi rahbariyati, Turkiyaning turli shaharlaridagi vatandoshlar, o'zbek diasporasi, ilm-fan va madaniyat sohasi vakillari va boshqalar qatnashdi.

Ma'rifiy kecha O'zbekiston Davlat madhiyasi ijrosi bilan boshlandi.

Bosh konsulxona diplomatlari ishtirokchilarni qutlug' sanalar bilan muborakbod etib, O'zbekiston Konstitutsiyasi xalqimizning eng muhim orzu-intilishlari, maqsad va istaklarini o'zida jam qilgan huquqiy, siyosiy va mafkuraviy hujjat ekanligini ta'kidladilar. Qayd etilganidek, Bosh qomusimiz o'tgan vaqt davomida davlat va jamiyat hayotida keng ko'lamli demokratik islohotlarni amalga oshirishga, fuqarolarimizning huquq va erkinliklarining kafolatlashga, xalqimiz farovonligini ta'minlashga hamda va mamlakatimiz istiqlolini mustahkamlashga asos bo'lib xizmat qilib kelmoqda.

O'zbekiston Prezidentining Bosh qomusimiz qabul qilingan kun munosabati bilan xalqimizga yo'llagan bayram tabrigining mazmun-mohiyati va ahamiyatiga e'tibor qaratildi.

Turkiyadagi o'zbek diasporasi faollari o'z so'zlarida, O'zbekiston rahbariyati tomonidan mamlakatda millatlararo totuvlikni ta'minlashga qaratilgan aniq manzilli chora-tadbirlarni yuksak baholadilar.

Xususan, xorijdagi vatandoshlarga bo'lgan e'tiborning yana-da oshgani alohida urg'ulandi.