Turkiyadan munosabat: O'zbekiston xorijiy investorlar uchun Markaziy Osiyodagi eng diqqatga sazovor joyga aylandi

Turkiyadan munosabat: O'zbekiston xorijiy investorlar uchun Markaziy Osiyodagi eng diqqatga sazovor joyga aylandi

ANQARA, 31-dekabr. /"Dunyo" AA/. Turkiyaning  "Anadolu Group" kompaniyasi boshqaruv kengashi raisi Tunjay O'zilxan "Dunyo" AA uchun intervyusida O'zbekistonning iqtisodiy sohadagi yutuqlari va Turkiya bilan ikki tomonlama hamkorlikni rivojlantirish istiqbollari haqidagi fikrlarini bildirdi:

– "Anadolu Group" dunyoning 20 ta davlatida, shu jumladan O'zbekistonda faoliyat olib boradi. Asosiy maqsadimiz ko'shimcha qiymat qanjirini yaratishdir.

2018-yildan buyon O'zbekistonda ishlayapmiz va yurtingizga bugungi kunga qadar kiritgan sarmoyalarimiz 500 million AQSh dollariga yetdi.

 Joriy yil may oyida "Coca Cola İçecek" kompaniyasining Samarqandda to'rtinchi fabrikasini ochdik. 2025-yilda esa beshinchi fabrikani Namanganda ochish bo'yicha ishlar davom etmoqda.

"Anadolu Group" O'zbekistondagi eng yirik xorijiy investorlardan biri hisoblanadi. "Coca Cola İçecek" kompaniyasi esa eng ko'p soliq to'laydigan beshtalikka kiradi.

O'zbekiston malakali ishchilari, kuchli logistika infratuzilmasi, sanoati bilan xorijiy investorlar uchun Markaziy Osiyodagi eng diqqatga sazovor joyga aylandi.

Ota yurtimizda, o'zbek qardoshlarimiz bilan ishlab chiqarishni tashkil qilish biz uchun juda muhim.

O'zbekistonga investitsiya kiritishdan hamda faoliyatimizni kengaytirishdan juda xursandmiz. O'z faoliyatimizni boshqa sohalarda ishtirok etish orqali kengaytirish bo'yicha o'rganishlar davom etmoqda.

O'zbekistonning "Anadolu Group"ga bo'lgan ishonchidan g'ururlanamiz. "Anadolu Group" kompaniyasi sifatida esa O'zbekiston taraqqiyotiga hissa qo'shayotganimizdan bag'oyat mamnunmiz.

Ikki do'st va qardosh mamlakatlar vakili sifatida O'zbekistonga taraqqiyot va ulkan yutuqlar tilayman.