Риштон Туркий халқлар ҳунармандчилиги форуми ва унинг доирасида бўлиб ўтадиган “Кулоллар сайли”га ҳозирлик кўрмоқда

Риштон Туркий халқлар ҳунармандчилиги форуми ва унинг доирасида бўлиб ўтадиган “Кулоллар сайли”га ҳозирлик кўрмоқда

ТОШКЕНТ, 27 апрель. /“Дунё” АА/. Фарғона вилотининг Риштон тумани жорий йил 12–14 май кунлари бўлиб ўтадиган Туркий халқлар ҳунармандчилиги форуми ва унинг доирасида ташкил қилинадиган “Кулоллар сайли” миллий кулолчилик маҳсулотлари кўргазма-савдосига қизғин тайёргарлик кўраётир, деб  хабар бермоқда “Дунё” АА мухбири.

Ўзбекистон “Ҳунарманд” уюшмаси ахборот хизмати маълумотига кўра,  “Кулоллар сайли” миллий кулолчилик маҳсулотлари кўргазма-савдосида юртимиздаги барча кулолчилик мактабларининг уста кулоллари, авлоддан-авлодга ўтиб келаётган сулола вакиллари, халқ усталарининг маҳсулотлари кўргазмаси уюштирилади.

Анъанавий “Туркий халқлар ҳунармандчилиги” форумида Россия, Польша, Чехия, Озарбайжон, Тожикистон, Қирғизистон, Туркманистон, Қозоғистон, Исроил, Туркия, Афғонистон, Покистон, Ҳиндистон каби 15 га яқин хорижий мамлакатлардан соҳа мутахассислари, олимлар ва ҳунармандларнинг иштирок этиши режалаштирилган. Тадбирда Ўзбекистоннинг турли ҳудудларига хос бўлган кулолчилик мактабларининг машҳур халқ амалий санъати усталари томонидан маҳорат дарслари ҳам ўтказилади.