Турк дунёси талабаларининг Халқаро театр фестивали

Турк дунёси талабаларининг Халқаро театр фестивали

Жорий йилнинг 15 март куни Қозоғистонда Туркий давлатлар маданият ва санъат олийгоҳлари ректорлари кенгашининг биринчи йиғилиши бўлиб ўтган эди.

Унда илк бор ТУРКСОЙ ташкилотига аъзо давлатлар олий ўқув юртлари талабаларининг халқаро талабалар театр фестивалини ўтказиш бўйича қарор қабул қилинган эди. Қарордан келиб чиққан ҳолда Халқаро туркий маданият ташкилоти - ТУРКСОЙ шафелигида биринчи марта ўтказилаётган Турк дунёси талабаларининг халқаро театр фестивалига Тошкент мезбонлик қилмоқда.  

Фестиваль доирасидаги асосий тадбирлар Тошкент давлат маданият ва санъат институтида бўлиб ўтмоқда. Фестивалда Қирғизистон, Қозоғистон, Туркманистон, Озарбайжон, Туркия республикаларидан талаба-ёшлар театр гуруҳлари, олийгоҳларнинг ректорлари, театршунослар, олимлар, санъат мухлислари иштирок этмоқда. 

Фестиваль доирасида ранг-баранг спектакллар намойиши, меҳмонларнинг пойтахтимиздаги диққатга сазовор масканларга ташрифи, учрашув, мулоқотлар, қизиқарли анжуманлар кўзда тутилган.  

Н.Усмонова, ЎзА