Хивада Абу Райҳон Беруний номидаги халқаро кимё олимпиадаси ўтказилади

Хивада Абу Райҳон Беруний номидаги халқаро кимё олимпиадаси ўтказилади

ТОШКЕНТ, 9 июнь. /«Дунё» АА/. Жорий йил 11-17 июнь кунлари Хива шаҳрида биринчи Абу Райҳон Беруний номидаги халқаро кимё олимпиадаси ўтказилади, деб  хабар бермоқда  «Дунё» АА мухбири.

Мактабгача ва мактаб таълими вазирлиги томонидан ташкил этилаётган ушбу нуфузли олимпиадада Германия, Туркия, Озарбайжон, Ҳиндистон, Ветнам, Жазоир, Бразилия, Беларус, Россия, Қозоғистон, Оман султонлиги, Грузия, Туркманистон, Қирғизистон, Тожикистон, Ўзбекистон каби мамлакат ўқувчилари иштирок этиши кутилмоқда.  

Шунингдек, олимпиадада фахрий меҳмонлар, профессорлар ёш билимдонлар учун маҳорат дарслари ўтказадилар.

Абу Райҳон Беруний  номидаги халқаро кимё олимпиадасини ўтказишдан  асосий мақсад Янги Ўзбекистоннинг иқтидорли ёшларини аниқлаш ва қўллаб – қувватлашдан  иборат.