O'zbekistonda «Tabarruk ziyorat» turizm platformasi ishga tushirildi

O'zbekistonda «Tabarruk ziyorat» turizm platformasi ishga tushirildi

TOSHKENT, 19-yanvar /"Dunyo" AA/. O'zbekiston Turizm qo'mitasi tomonidan «Tabarruk ziyorat» sayyohlik platformasi ishga tushirildi, deb xabar bermoqda "Dunyo" AA muxbiri.

uzbektourism.uz portali ma'lumotiga ko'ra, mazkur platformaga O'zbekiston hududidagi 100 ga yaqin ziyoratgoh hamda qadamjolar haqidagi ma'lumotlar 7 ta tilga tarjima qilinib joylashtirib boriladi.

Eslatib o'tamiz, 2023-yil 25-29-noyabr kunlari Buxoroda «Xalqaro ziyorat turizmi haftaligi» tashkil etildi. Turkiy davlatlar tashkilotiga a'zo hamda kuzatuvchi mamlakatlardan tashrif buyurgan tadbir ishtirokchilari Buxoro shahrining qadimiy maskanlari – tarixiy obidalari bilan yaqindan tanishdi. Shuningdek, «O'zbekiston islom sivilizatsiyasi markazi» ilmiy-amaliy konferensiyasi va «Buxoro viloyati turizm imkoniyatlarini rivojlantirish» bo'yicha xalqaro ilmiy anjumani o'tkazildi.

2023-yilda O'zbekistonga 1,415 million nafar ziyoratchi tashrif buyurgan.

Jumladan:

-Tojikistondan (islom diniga oid) 428 ming;

-Qirg'izistondan (islom diniga oid) 335 ming;

-Qozog'istondan (islom diniga oid) 283 ming;

-Rossiyadan (xristian diniga oid) 98 ming;

-Turkiyadan (islom diniga oid) 45 ming 600;

-Hindistondan (islom va buddizm diniga oid) 11 ming 050; -

Xitoydan (buddizm diniga oid) 8 ming 250;

-Isroildan (yahudiy diniga oid) 6 ming 400;

-Ozarbayjon va Malayziyadan (islom diniga oid) 3 ming 500;

-Indoneziyadan (islom diniga oid) 3 ming 290;

-Yaponiyadan (buddizm diniga oid) 3 ming 280 nafar ziyoratchilar kelgan.