"Турк дунёси шамоллари" концерт дастурида Ўзбекистон вакиллари ҳам қатнашмоқда

"Турк дунёси шамоллари" концерт дастурида Ўзбекистон вакиллари ҳам қатнашмоқда

Aйни кунларда Туркиянинг Истанбул, Карс ва Эрзурум шаҳарларида ТУРКСОЙ ташкилоти ҳамда Туркия Республикаси Маданият ва туризм вазирлиги билан ҳамкорликда "Турк дунёси шамоллари" номли концерт дастурлари ташкил этилмоқда.

Унда Ўзбекистон, Қозоғистон, Қирғизистон, Озарбайжон, Туркия Республикаларининг ижодий жамоалари ўз концерт дастурлари билан иштирок этмоқда.  

Маданият вазирлиги ахборот хизматига кўра, Ўзбекистондан филармониянинг Фарғона вилояти бўлинмаси жамоаси ўз дастурлари билан иштирок этаяпти.  

Мазкур жамоа 15 август куни Истанбул, 16-17 август кунлари Карс шаҳарларида ўзбек миллий рақслари ва миллий куй-қўшиқларини намойиш этган бўлса, бугун - 19 август куни Эрзурум шаҳрида ўз концерт дастурларини мусиқа мухлисларига тақдим этади.  

Н.Усмонова,  

ЎзА